NAGPATUPAD muli ng panibagong balasahan ang Philippine National Police sa hanay ng ilang matataas na mga opisyal.
Itinalaga bilang Acting Director ng Maritime Group si PBGen. Rommel Batangan mula sa Highway Patrol Group o HPG.
Habang si PBGen Crisaleo Tolentino ay itinalaga namang Acting Regional Director ng Police Regional Office 1 o Ilocos Region mula sa Maritime Group.
Si PBGen. Joyce Patrick Sangalang naman ang bagong Acting Director ng HPG, habang si PBGen. Francisco Ebreo, dating deputy director ng Philippine National Police Academy o PNPA, ang bagong Acting Director ng PNP Training Service.
Papalitan ni Ebreo sa PNPA si Brig. Gen. Roland Bulalacao.
Inilipat naman si PCol. Renell Sabaldica, Assistant Chief ng PNP Public Information Office, sa Directorate for Comptrollership.
Bukod dito, pormal nang umupo bilang bagong Director ng Quezon City Police District si PBGen. Christopher Olazo, kapalit ni PBGen. Randy Glenn Silvio, na itinalagang Regional Director ng PRO-5 sa Bicol.
(TOTO NABAJA)
70 
